Tasga

TIRMISIN, TISUDWIN, ISADUREN ILELLAMEN,...

Tamaziɣt i yimsaduren !

I wakken a nemyudas ugar.

Tallit tamaynut, tamuɣli ɣer yimal

Ass-a, tamaziɣt tesɛa amur-is deg tsudwin n tmurt. Segmi i tekcem ɣer tmendawt, tettaẓ, yal ass, deg taɣult n usemres.

Imi neẓwaṛ di tmaziɣt akked yiqeddicen yurzen ɣer teywalt s umata, nger-ed ɣer wennar ameẓlu amaynut wumi nefka isem Amazigh.Pro yellan ddaw n tecḍaḍt n NOVENCOM. Aqeddic ur yelli d ayen i d-yennulfan imir-a kan. Seg zik, yakan, i nettili ɣer yidis n termisin wamma n tneggiwin n teywalt i wakken a nefk udem i yiznan-nsent ɣef tugett n yisulal n telɣut.

Imeẓla-nneɣ

Amek i iteddu ukala...

I wakken a negzu isutren-nwen, negga i lmendad yiwet n tferkit. A n-tafem deg-s ferdisen uliqen i wakken ad a neqqen anermis amenzu.

Akken kan ara d-neṭṭef tasutert-nwen s umlan i iwatan, a wen-n-nerr tassumert tamadust n watig rnut ɣer-s akuden n usgalu.

Imi ara tettwaqbel tessumert n watig ara n-negg, a nessummed amasay n usenfar ara iḍefren teɣzi n ukala alamma d taggara.

Tiṭ n umyallen-nneɣ d asnekwu n wallalen n ufares d useddu n imidiwan yeṭṭfen asenfar. Ma yella yessefk, ad d-ilin waktazalen inebdammasen ara tegg yiwet n tseqqamutt talmendadant.

Igemmuḍen ad ufafen sɣur imussnawen yellan d imendiden n NOVENCOM / Amazigh.Pro.

Ɣef wakken yefren umsaɣ tasemselt ara nessedwel igburen n umahil, akken d imsariyen neɣ s usidef-nsen deg usalel.

Amaynut !​

Imeẓla i tneggiwin n teywalt

Amazigh.Pro teggar-ed timussniwin-is akked d tzemmar-is lewhi n yimsaduren n teywalt iɣef d-yewwi ad heggint tiririt i yimahilen yemgaraden n yimsaɣen-nnsent ama deg taɣult n tsuqilt wamma d tin n yiznan n udellel s tmaziɣt.

Tamuɣli-nneɣ ters ɣef taččart n tiṭ n tneggiwin deg usidef n tutlayt tamaziɣt deg unnar n tsudwin d umaḍal n termisin

Isalan

Ibuddan n Yennayer 2969

Ilmend n useggas amaziɣ amayanut, Yennayer 2969, Amazigh.Pro, yellan d ameẓlu n NOVENCOM, yessaram I weɣref azzayri, i yimaziɣen n umaḍal ɣer yidis n talsa akken ma tella, ibuddan-is ufrinen n usmures d ufara. D tagnitt ideg ara d-nesnefli tibɣas d tesnemmar i wid iqeddcen d wid, meṛṛa, i ibeggsen…

NOVENCOM yessunẓa ameẓlu-ines Amazigh.Pro

Amazigh.Pro d yiwen umeẓlu yemmuggen i wakken ad yili ɣer yidis n yimsaduren iran ad ssidfen tutlayt tamaziɣt deg teywalt-nsen, Amazigh.Pro iger-d i wakken ad yeddu i lebɣi i termisin, tisudwin d yisaduren ilellamen.

Tamidwa NOVENCOM / Tizemmar d yimussnawen

Amazigh.Pro d amidaw n yimendden yellan d imussnawen deg waɣiren n tutlayt, n yidles d tɣerma imaziɣen iɣef i d-yewwi usnerni n tmaziɣt. Tiṭ nneɣ d amsal n tririt i yiḥliǧen yettimɣuren, yal ass ugar, d-yekkan seg usidef n tmaziɣt deg tmendawt d tutlayt taɣelnawt tunṣibt d-yewwin di nnican asnefli ines d usidef afesnan deg yiḥricen iɣef tbedd tmurt. Timidwa nneɣ telli abrid i tmuɣli d-yezgan i lmendad n usmatu d usmetti n tmaziɣt deg taɣulin n teywalt s umata d teywalt tumḍint, ladɣa deg yiḥricen n tkebbaniyin d yimeẓla izayazen.​